လူငယ်အရွယ်လူနာတစ်ဦးသည် စိတ်ကျန်းမာရေးကုသမှုအတွက် ဆေးရုံသွားရန် ဘတ်စ်ကားခ မတတ်နိုင်သဖြင့် ကိုယ့်ကိုယ်ကိုယ် သတ်သေခဲ့သည်။ စိတ်မသက်မသာဖြစ်ခဲ့ရသည့် ဇင်ဘာဘွေနိုင်ငံမှ ဒေါက်တာချီဘန်ဒါ(Chibanda)သည် ကုသမှုကို ပိုမိုလွယ်ကူစွာ ရရှိနိုင်မည့် နည်းလမ်းများကို စမ်းသပ်ခဲ့သည်။ သို့နှင့် အမြော်အမြင်နှင့် နေရာချထားသော ခုံတန်းများတွင် ထိုင်ကာ အကူအညီလိုသူများကို နှစ်သိမ့်ဆွေးနွေးပေးမည့် ကုထုံးပညာရှင်များ အသင့်ရှိနေသည့် မိတ်ဆွေခုံတန်းလျား အစီအစဥ် စတင်ပေါက်ဖွားလာခဲ့သည်။ ထိုကုထုံးပညာရှင်များအဖြစ် မည်သူတို့ကို သူလေ့ကျင့်ပေးခဲ့သနည်း။ ဖွားဖွားများပင် ဖြစ်ပါသည်။ အင်တာဗျူးတစ်ခုတွင် ဒေါက်တာချီဘန်ဒါက “(အဖွားတွေဟာ) သူတို့ရဲ့ရပ်ရွာမှာ ထဲထဲဝင်ဝင် ပါဝင်ပတ်သက်နေသူများဖြစ်ပြီး၊ သူတို့ဟာ ရိုသေလေးစားခံရတယ်။ သူတို့မှာ ကိုယ့်ကို အခြားသူတွေက နားလည်ပေးတယ်လို့ ခံစားရအောင် လုပ်ပေးနိုင်တဲ့ အံ့သြဖွယ်စွမ်းရည်ရှိကြတယ်”ဟု ဝေမျှခဲ့သည်။
နေဟမိ ၃ တွင်၊ လူတန်းစားအမျိုးမျိုးများ ပါဝင်ခဲ့သည့်စီမံကိန်းတစ်ခုအကြောင်းကို ဖတ်ရှုရသည်။ ယေရုရှလင်မြို့မှာ ပျက်စီးလျက်ရှိပြီး၊ ၎င်း၏ရှုံးနိမ့်မှုကို ပတ်ဝန်းကျင်နိုင်ငံများက လှောင်ပြောင်ခဲ့ကြသည်။ “ကဲ့ရဲ့ခံရခြင်းမှ…
ခင်ပွန်းဖြစ်သူ လေဖြတ်သွားပြီးနောက် ဆန်(Sun)၏ဘဝသည် တစ်မုဟုတ်ချင်း ပြောင်းလဲသွားသည်။ ခင်ပွန်း၏နေ့စဉ်ဝေယျာဝစ္စများကို ကူညီပေးရပြီး၊သူ၏ စိတ်ပိုင်းဆိုင်ရာပေါက်ကွဲမှုများနှင့်လည်း အသားကျအောင် ရင်ဆိုင်နေထိုင်ခဲ့ရသည်။ ၁၇ နှစ်တိုင် ခင်ပွန်းသည်အား သစ္စာရှိရှိပြုစုစောင့်ရှောက်ခဲ့သည်။ သို့သော် ခင်ပွန်းသည် ချော်လဲခြင်းကြောင့် သူ၏ကျန်းမာရေး ပိုဆိုးလာသည့်အခါ၊ ပြုစုစောင့်ရှောက်ရခြင်းသည် သူမအတွက် အလွန်လေးသောဝန်ဖြစ်လာခဲ့ပြီး စိတ်ကျဝေဒနာကို ခံစားခဲ့ရသည်။ “ကျွန်မရဲ့ယုံကြည်ခြင်းတွေ ပျောက်ကုန်ပြီလို့ ခံစားခဲ့ရပြီး ဘုရားကို မမြင်နိုင်ခဲ့ဘူး”ဟု သူမဝန်ခံခဲ့သည်။
သို့သော် ပြန်ပြောင်းကြည့်လျှင် ဘုရားသခင်သည် သူမကို တွေ့မြင်ခဲ့ကြောင်း ယခု ဆန် ယုံကြည်နေပြီဖြစ်သည်။ အဘယ်ကြောင့်ဆိုသော် ဘုရားသခင်သည် ခင်ပွန်းဖြစ်သူ၏နာတာရှည်ရောဂါအတွက် အိမ်တွင်းဆေးဘက်ဆိုင်ရာပြုစုစောင့်ရှောက်မှုနှင့် သူနာပြုအကူတို့ကို ပြင်ဆင်ပေးကာ၊ ခင်ပွန်းသည်ကို ပြုစုနေရသည့် ဆန်၏စိတ်ပိုင်းဆိုင်ရာစိန်ခေါ်မှုများအတွက်လည်း ဆန်ကို ပံ့ပိုးပေးရန် လူမှုဝန်ထမ်းများကို စေလွှတ်ပေးခဲ့သည်။
ဟာဂရ၏ဇာတ်လမ်းတွင် ဘုရားသခင်သည် မြင်သောဘုရားသခင်အဖြစ် ကိုယ်ထင်ရှားခဲ့သည်။ ကမ္ဘာဦးကျမ်း ၁၆ တွင် သခင်မ၏ညှဉ်းပန်းမှုကြောင့် ကျွန်မ…
ဆတ်ယာ(Satya)သည် သူ၏အလုပ်အသစ်၌ ကိုးလမျှလုပ်ကိုင်ပြီးနောက် စိတ်ပျက်မှုကို ခံစားခဲ့ရသည်။ သခင်ယေရှုကို ယုံကြည်သူတစ်ဦးအနေဖြင့်၊ သူသည် ပြဿနာများ ဖြေရှင်းခြင်းနှင့် အလုပ်ကိုညွှန်ကြားခြင်းများတွင် ဘုရားသခင်၏ နည်းဥပဒေသ များအတိုင်း ကြိုးစားလိုက်နာခဲ့သည်။ သို့သော် လူများနှင့်ပတ်သက်သော ပြဿနာများ ဆက်လက်ရှိနေပြီး အဖွဲ့အစည်းတွင် တိုးတက်မှုအနည်းငယ်သာ ရှိသည်ကို ခံစားရသောကြောင့် သူသည် ကြိုးစားမှုကို ရပ်တန့်ပစ်ချင်လာသည်။
လုပ်သင့်လုပ်ထိုက်သည်ကို သိသော်လည်း ဆက်လုပ်ရန် စိတ်ပိုင်းဆိုင်ရာရော ရုပ်ပိုင်းဆိုင်ရာပါ အားလျော့နေသည်ဟု ခံစားရလျှင် သင်သည်လည်း ဆတ်ယာကဲ့သို့ပင် ပင်ပန်းနေလေပြီ။ တမန်တော်ပေါလုက “ငါတို့သည် အားမလျော့၊ စိတ် မပျက်ဘဲ ကောင်းသောအကျင့်ကို ကျင့်ကြကုန်အံ့။ ထိုသို့တည်ကြည်၍ ကျင့်လျှင် အချိန်တန်သောကာလ၌ အသီးအနှံကို ရိတ်ရကြလိမ့်မည်” ဟူသော စကားများဖြင့် ကျွန်မတို့ကို အားပေးနှလုံးသွင်းစေသည် (ဂလာ ၆:၉)။ မျိုးစေ့ကြဲခြင်းက ခက်ခဲသော အလုပ်ဖြစ်သည်ကို လယ်သမားတိုင်း သိသောကြောင့် သူသည်…
ဂျင်မ်(Jim)သည် ရွေ့လျားမှုကိုလုပ်ဆောင်ပေးသော အာရုံကြောနှင့်ဆိုင်သည့် ရောဂါ နှင့် တစ်နှစ်ကျော်ကြာ ရုန်းကန်နေရသည်။ သူ၏ကြွက်သားများရှိ အာရုံကြောများ လှုပ်ရှားမှု ရပ်တန့်သွားပြီး၊ ကြွက်သားများ အားလျော့သွားသည်။ ကြွက်သား အသေးများ အသုံးပြုရသော လက်၏လှုပ်ရှားမှုများ ဆုံးရှုံးသွားပြီး သူ၏ ခြေလက်များကို ထိန်းချုပ်နိုင်စွမ်း မရှိတော့ပေ။ အင်္ကျီ ကြယ်သီးတပ်ခြင်း (သို့) ဖိနပ်ကြိုးချည်ခြင်းတို့ကို လုပ်၍မရတော့ဘဲ၊ တူကိုင်၍စားသောက်ရန်မှာ မဖြစ်နိုင်တော့ပါ။ ဂျင်မ်က သူ့အခြေအနေနှင့် ရုန်းကန်ရင်း၊ “ဘုရားသခင် ဘာကြောင့် ဒီလိုဖြစ်ခွင့်ပေးရတာလဲ။ ကျွန်တော်မှ ဘာလို့ဖြစ်တာလဲ”ဟုမေးသည်။
သူ၏အပေါင်းအသင်းထဲတွင် ဘုရားသခင်ကို မေးခွန်းထုတ်သည့် ယုံကြည်သူ များစွာ ရှိသည်။ ဆာလံ ၁၃ တွင် ဒါဝိဒ်က “အိုထာဝရဘုရား၊ အကျွန်ုပ်ကို အလျှင်းမမှတ်ဘဲ အဘယ်မျှကာလပတ်လုံး မေ့လျော့တော်မူမည်နည်း။ အဘယ်မျှကာလပတ်လုံး မျက်နှာတော်ကို ကွယ်ထားတော်မူမည်နည်း။ အကျွန်ုပ်သည် အစဉ်ဝမ်းနည်းလျက်၊ အဘယ်မျှကာလပတ်လုံး တွေးတောသောစိတ် ရှိရပါမည်နည်း။…
“ဟေး Poh Fang (ဖိုးဖန်)၊ ငါတို့မိတ်သဟာယအဖွဲ့မှာ ဒီလ ရှင်ယာကုပ်သြဝါဒစာ ၅:၁၆ မှာပါတဲ့အတိုင်း လက်တွေ့လုပ်ရအောင်။ ယုံကြည်စိတ်ချလို့ရပြီး၊ နှုတ်လုံတဲ့ လုံခြုံတဲ့ဝန်းကျင်လေး ဖန်တီးရအောင်။ အဲဒါမှ ကိုယ့်အသက်တာမှာ ရုန်းကန်နေရတဲ့ကိစ္စတွေကို ပြောပြမျှဝေနိုင်ပြီး တစ်ယောက်နဲ့တစ်ယောက် ဆုတောင်းပေးလို့ရမယ်” ဟု အသင်းတော်မှ မိတ်ဆွေတစ်ဦးက ကျွန်မထံ မက်ဆေ့ဂျ် စာပို့လာသည်။
ရုတ်တရက် မည်သို့စာပြန်ရမည်ကို ကျွန်မမသိပါ။ ကျွန်မတို့၏အဖွဲ့လေးတွင် တစ်ယောက်နှင့်တစ်ယောက် နှစ်ပေါင်းများစွာသိကျွမ်းလာကြပြီး၊ မိမိ၏နာကျင်စရာနှင့် ရုန်းကန်ရမှုများကို ပွင့်ပွင့်လင်းလင်း ပြောပြခြင်းများ မရှိခဲ့ပါ။ မိမိ၏ အားနည်းမှုကိုဖွင့်ပြရန်မှာ ကြောက်စရာ မဟုတ်ပါလား။
သို့သော် ကျွန်မတို့အားလုံးသည် အပြစ်ပြုသူများဖြစ်ပြီး၊ အသီးသီး ရုန်းကန်နေရခြင်းက အမှန်တရားဖြစ်သည်။ ဘုရားရှင်၏အံ့ဖွယ်ကျေးဇူးတော်နှင့် သခင်ခရစ်တော်၌ အမှီပြုကိုးစားခြင်းနှင့်ပတ်သက်၍ အဖြစ်မှန်ကို အမှန်အတိုင်းပြောဆိုခြင်းက ကိုယ်တော်ကို ဆက်၍ကိုးစားနိုင်အောင် မစအားပေးသည့် နည်းတစ်ခု ဖြစ်သည်။ သခင်ယေရှုနှင့်ဆိုလျှင် ဒုက္ခအခက်အခဲကင်းသည့် အသက်တာဟု…
ကစားနည်းတစ်ခုမှာ လူငယ်များကြား ပျော်စရာကောင်းပြီး၊ ထိုကစားနည်းအားဖြင့် မိတ်ဆွေပြောင်းခြင်းထက်၊ ရှိသည့်မိတ်ဆွေကိုချစ်ရန် သင်ယူရမည်ဟူသည့် သင်ခန်းစာယူစရာလည်း ရှိသည်၊၊ ကစားနည်းတွင် အလယ်၌ရပ်နေသူမှလွဲ၍၊ ကျန်လူများသည် စက်ဝိုင်းပုံသဏ္ဌာန် ဝိုင်းဖွဲ့လျက်၊ ခုံများတွင် ထိုင်နေကြရမည်။ ရပ်နေသူက ထိုင်နေသူတစ်ဦးအား “မင်းဘေးနားကလူကို ချစ်လား” ဟုမေးရမည်။ ခုံ၌ ထိုင်နေသူက ချစ်သည်၊ မချစ်ပါ ဟူ၍ ပြန်ဖြေနိုင်သည်။ ထို့နောက် မိမိအနားထိုင်နေသူကို အခြားသူတစ်ဦးနှင့် အစားထိုးလိုသည်/ အစားမထိုးလိုကို ဆုံးဖြတ်ရမည်ဖြစ်သည်။
လက်တွေ့ဘဝ၌လည်း၊ “မိမိအိမ်နီးချင်း၊ မိတ်ဆွေများ”ကို ကျွန်မတို့ရွေးချယ်ပေါင်းသင်းလိုကြပါသည်။ အထူးသဖြင့် ဆက်ဆံရေးမကောင်းသော လုပ်ဖော်ကိုင်ဖက်၊ အချိန်မဟုတ်အခါမဟုတ် မြက်ရိတ်စက်ဖြင့် မြက်ထရိတ်သော အိမ်နီးချင်းမျိုးနှင့် ကြုံရသည့်အခါမျိုးတွင်ဖြစ်သည်။ သို့သော် လက်ပေါက်ကပ်သော မိတ်ဆွေများနှင့်အတူ ပေါင်းသင်းနေထိုင်ရန် ကျွန်မတို့သင်ယူရပါမည်။
ဣသရေလလူမျိုးများ အမွေခံရာပြည်သို့ ဝင်ရောက်သောအခါ၊ ဘုရားနှင့်သက်ဆိုင်သူများအနေဖြင့် မည်သို့အသက်ရှင်ရမည်ကို ဘုရားရှင်က အရေးကြီးသောညွှန်ကြားချက်များ ပေးခဲ့သည်။ “ကိုယ်နှင့်စပ်ဆိုင်သောသူကို ကိုယ်နှင့်အမျှချစ်”ရန်…
Hansle Parchment (ဟန်ဆဲလ်ဖတ်ခ်ျမန့်)သည် အကျပ်အတည်းကြုံနေခဲ့သည်။ တိုကျိုအိုလံပစ်ပြိုင်ပွဲတွင် အကြိုဗိုလ်လုပွဲအတွက် ဘတ်စ်ကားမှားစီးမိပြီး အားကစားကွင်းသို့ အချိန်မီရောက်ရန် မျှော်လင့်ချက် အနည်းငယ်သာရှိသည်။ သို့သော်လည်း ကျေးဇူးတင်စရာမှာ အားကစားပွဲများတွင် အကူအညီပေးသည့် စေတနာ့ဝန်ထမ်း Tijana Stojkovic (တီယာနာ စတိုကိုဗစ်ချ်)နှင့် သူတွေခဲ့ပြီး၊ သူမသည် သူ့အား အငှားကားငှားရန်အတွက် ငွေပေးခဲ့သည်။ ဖတ်ခ်ျမန့်သည်အကြိုဗိုလ်လုပွဲသို့ အချိန်မီရောက်သွားပြီး နောက်ဆုံးတွင် မီတာ ၁၁၀ တန်းကျော်ပြေးပွဲတွင် ရွှေတံဆိပ် ဆွတ်ခူးနိုင်ခဲ့သည်။ နောက်ပိုင်းတွင် သူသည် စတိုရှ်ကိုဗစ်ကို သွားပြန်ရှာပြီး သူ၏ကြင်နာတတ်မှုအတွက် ကျေးဇူးတင်ခဲ့သည်။
ရှင်လုကာခရစ်ဝင် ၁၇ တွင် နူနာရောဂါကုသပေးသည့်အတွက် သခင်ယေရှု အား ကျေးဇူးတင်ရန် ပြန်လှည့်လာသည့် ရှမာရိလူအကြောင်းကို ဖတ်ရှုရသည် (:၁၅-၁၆)။ ယေရှုသည် ရွာတစ်ရွာသို့ ဝင်တော်မူသည်တွင် နူနာစွဲသူ (၁၀) ယောက်နှင့် တွေ့ဆုံခဲ့သည်။ သူတို့ကို ကုသပေးရန် သခင်ယေရှုအား…
အသက် (၂၀) အရွယ် Shin Yi (ရှင်းယီ)သည် တက္ကသိုလ်တက်ရန် စောင့်ဆိုင်းနေစဉ် လူငယ်သာသနာပြု အဖွဲ့အစည်းတစ်ခုတွင် (၃) လကြာ ပါဝင်ဆောင်ရွက်ရန် ဆုံးဖြတ်ခဲ့သည်။ ကိုဗစ်-၁၉ ကန့်သတ်ချက်များကြောင့် မျက်နှာချင်းဆိုင်တွေ့ဆုံ၍ မရချိန်တွင် ဤသို့ပါဝင်ခြင်းသည် အနည်းငယ် ထူးဆန်းနိုင်သည်။ သို့သော် ရှင်းယီ နည်းလမ်းတစ်ခုတွေ့ခဲ့သည်။ “ကျွန်မတို့ ကျောင်းသားတွေနဲ့ အရင်တုန်းက တွေ့သလိုမျိုး လမ်းတွေမှာ၊ ရှော့ပင်းမောလ်တွေမှာ၊ အမြန်ရစားသောက်ဆိုင်တွေမှာ တွေ့လို့မရတော့ပေမဲ့ ကျွန်မတို့ Zoom ကနေ တစ်ဆင့် ခရစ်ယာန်ကျောင်းသားတွေနဲ့ ဆက်သွယ်ပြီး အချင်းချင်းအတွက် ဆုတောင်းပေးကြသလို မယုံကြည်သူတွေကိုလည်း ဖုန်းဆက်ပြီး ဆက်သွယ်ခဲ့ကြတယ်” ဟု သူမက ဆိုသည်။
တမန်တော်ရှင်ပေါလုက တိမောသေအား “သာသနာပြုဆရာ ဆောင်ရွက်ရသောအမှုကို ဆောင်ရွက်လော့” (၂ တိ ၄:၅) ဟု တိုက်တွန်းသည့်အမှုကို ရှင်းယီ လုပ်ဆောင်နေခြင်းဖြစ်သည်။ လူတို့သည် သူတို့…
တနင်္လာနေ့များကို ကျွန်မကြောက်လန့်ခဲ့ဖူးသည်။ ကျွန်မ၏ယခင်အလုပ်တွင် ရထားပေါ်မှ ဆင်းလိုက်ပြီးနောက် ရုံးသို့ မိနစ်အနည်းငယ်ဖြစ်ဖြစ် နောက်ကျရောက်လိုရောက်ငြား ဘူတာရုံတွင် ခဏတဖြုတ်ထိုင်ခဲ့လေ့ရှိသည်။ သတ်မှတ်ထားသော နောက်ဆုံးရက်အတိုင်း အလုပ်များပြီးစီးနိုင်ရန်နှင့် စိတ်ဆတ်သည့် အလုပ်ရှင်၏ဒဏ်ခံရခြင်းများအပေါ် စိုးရိမ်ကာ ကျွန်မ၏နှလုံးခုန်သံများ မြန်လာသည်။
စိတ်ဓာတ်ကျဖွယ်အလုပ်လုပ်ရမည့် နောက်တစ်ပတ်တာကို စတင်ရန်မှာ အချို့သူများအတွက် ခက်ခဲလှသည်။ အလုပ်တွင် စိတ်သောကရောက်ရပြီး အသိအမှတ်ပြုမခံရဟု ခံစားရတတ်သည်။ ရှောလမုန်မင်းကြီးက “လူသည် နေအောက်မှာ ကြိုးစားအားထုတ်သောအမှု၊ အလွန်စိတ်စွဲလန်းသောအမှုအလုံးစုံတို့၌ အဘယ် အကျိုးရှိသနည်း။ သူ၏နေ့ရက်အပေါင်းတို့သည် ၀မ်းနည်းခြင်း၊ သူ၏ အလုပ်အကိုင်လည်း ငြိုငြင်ခြင်းဖြစ်၏” ဟု အလုပ်၏ပင်ပန်းခက်ခဲမှုကို ဒေသနာကျမ်း ၂:၂၂-၂၃ တွင် ရေးသားခဲ့သည်။
ဉာဏ်ပညာကြီးသည့်မင်းက စိတ်ဖိစီးမှုနည်းအောင် (သို့) လုပ်ရကျိုးနပ်သည့်အလုပ်မျိုးအတွက် နည်းလမ်း မပေးခဲ့သော်လည်း မိမိအမြင်ကို ပြောင်းလဲရန် သူပြောခဲ့သည်။ မိမိ၏အလုပ်က မည်မျှပင် ခက်ခဲပါစေ၊ ဘုရား၏မစမှုဖြင့် အလုပ်၌ စိတ်ကျေနပ်မှုရှာဖွေရန်…
ရထားပေါ်တွင် စာဖတ်ရင်း မေလင်းသည် စာမျက်နှာဘေးနေရာလွတ်၌ မှတ်စုတိုများ ရေးမှတ်လျက် စာကြောင်းများကို ရောင်စုံမင်ဖြင့် မျဥ်းသားနေသည်။ သို့သော် အနီးတွင်ထိုင်နေသည့် သားအမိနှစ်ဦးတို့၏ အပြန်အလှန်စကားကြောင့် သူမ၏ အပြုအမူကို ရပ်လိုက်သည်။ စာကြည့်တိုက်မှ ငှားလာသောစာအုပ်တွင် ကလေးငယ်က တောင်ခြစ်မြောက်ခြစ် လုပ်နေသဖြင့် မိခင်ဖြစ်သူက ပဲ့ပြင်သွန်သင်နေခြင်းပါ။ မေလင်းသည် သူ၏ရောင်စုံမင်ကို အလျင်အမြန် သိမ်းလိုက်သည်။ လမ်းလျှောက်တတ်စ ကလေးငယ်က သူလုပ်သလိုလိုက်လုပ်ကာ မိခင်၏စကားကို နားမထောင်တော့မည်ကို မေလင်းမလိုလားပေ။ ကလေးငယ်သည် ငှားလာသောစာအုပ်ကို ဖျက်ဆီးခြင်းနှင့် မိမိပိုင်သောစာအုပ်တွင် မှတ်စုရေးခြင်းတို့၏ ခြားနားမှုကို နားလည်မည်မဟုတ်ကြောင်း သူမသဘောပေါက်သည်။
မေလင်း၏အပြုအမူသည် ကောရိန္သုသြဝါဒစာပထမစောင် ၁၀:၂၃-၂၄ မှ ရှင်ပေါလု၏ဖော်ပြထားချက်ကို သတိရစေသည်။ “ငါသည် အပြစ်မသင့်ဘဲ ခပ်သိမ်းသောအမှုအရာကို ပြုနိုင်သည်မှန်စေတော့။ ခပ်သိမ်းသောအမှုအရာကို ပြုသင့်သည်မဟုတ်။ အပြစ်မသင့်ပဲ ခပ်သိမ်းသောအမှုအရာကို ပြုနိုင်သည်မှန်စေတော့။ ခပ်သိမ်းသောအမှုအရာတို့သည် သူတစ်ပါးကို တည်ဆောက်တတ်သည်မဟုတ်။ ကိုယ်အကျိုးကို…